Xaver Tebasga nisbatan tergov qayta tiklandi: La Liga prezidenti istefoga chiqarilishi mumkin
/ Kiritdi: BestMaster O'qilgan: 1212
Ispaniya mamuriy sport sudi (TAD) La Liga prezidenti Xaver Tebasga nisbatan "Barselona"ning maxfiy ma'lumotlarini oshkor qilish aybi bilan to'xtatilgan tergov ishini qayta tiklashga qaror qildi.
Bunga 2025 yil yozida Migel Anxel Galan tomonidan taqdim etilgan 50 sahifalik hujjat asos bo'lgan. Unda Tebas "Barselona" tomonidan byudjetni shakllantirish uchun taqdim etilgan ichki ma'lumotlarni La Liga rasmiy saytida e'lon qilib yuborib, neytrallik tamoyillarini qo'pol ravishda buzgani takidlanadi.
Endilikda jarayon quyidagicha davom etadi:
Sud ish bo'yicha maxsus tergovchi tayinlaydi.
Xaver Tebasga rasmiy bildirishnoma yuboriladi va uning etiroz bildirishi uchun 10 kun vaqti bo'ladi.
Agar Tebas belgilangan muddatda javob bermasa, bu uning aybiga iqror bo'lgani sifatida baholanishi mumkin.
Qanday jazo kutilmoqda?
Qoidabuzarlik tasdiqlansa, Tebasga nisbatan ommaviy hayfsan berish, ikki oydan bir yilgacha o'z lavozimidan chetlatish yoki butunlay istefoga chiqarish jazosi qo'llanilishi mumkin.
Qizig'i shundaki, "Barselona"ning sobiq prezidenti Joan Laporta klub ushbu ma'lumotlar tarqalishidan hech qanday zarar ko'rmaganini va sud jarayoniga qarshi ekanini bildirgan edi. Shunga qaramay, sud ishni oxirigacha etkazishga qaror qildi. Ispaniya futboli rahbariyatida katta o'zgarishlar bo'lishi ehtimoli kundan-kunga ortmoqda.
Teglar: xaver, tebasga, nisbatan, tergov, qayta, tiklandi, liga, prezidenti, istefoga, chiqarilishi, mumkin,
← OldingaOrqaga →
39589155473989629 
Bosh sahifaga
218
2 Aprel 2026, 08:49