"Liverpul"da katta xushxabar: Aleksander Isak safga qaytdi

2026-04-01 23:30:01 / Kiritdi: BestMaster  O'qilgan: 1240

"Liverpul" bosh murabbiyi Arne Slot jamoaning eng qimmatbaho hujumchisi Aleksander Isak asosiy tarkib mashg'ulotlariga qaytganini ma'lum qildi.

Shvetsiyalik futbolchi 2025 yil 21 dekabr kuni APL doirasidagi "Tottenxem"ga qarshi bahsda (2:1) boldir suyagini sindirib olgan edi.

"Aleks hozir juda yaxshi holatda, deb o'ylayman. Shvetsiya terma jamoasi Jahon chempionatiga yo'llanma oldi, bundan tashqari, u ertaga jamoa bilan birga ilk mashg'ulotini o'tkazadi.

Albatta, bu uch-to'rt oylik tanaffusdan keyingi ilk mashg'ulot, ammo uning qaytgani juda muhim. Biz qanday darajadagi hujumchini sotib olganimizni hammamiz bilamiz - u aql bovar qilmas iqtidor. Mavsumning so'nggi ikki oyida uning yordami bizga juda kerak bo'ladi", - dedi Slot klub rasmiy saytiga.

Eslatib o'tamiz, "Liverpul" Isakni 2025 yil sentyabr oyida 145 million evro evaziga sotib olgan edi. U jarohat olguniga qadar joriy mavsumda 16 ta o'yinda maydonga tushib, 3 ta gol va bitta golli uzatmaga mualliflik qilgan. Mersisaydliklar muxlislari endilikda hujumchining mavsum finishida o'z so'zini aytishini kutishmoqda.

Teglar: liverpulda, katta, xushxabar, aleksander, isak, safga, qaytdi,
← OldingaOrqaga →