"Napoli" o'z maydonida "Milan"ni mag'lub etib, ikkinchi o'ringa ko'tarildi

2026-04-07 01:51:01 / Kiritdi: BestMaster  O'qilgan: 12902

Italiya Seriya Asining 31-turi doirasida Neapoldagi "Diego Armando Maradona" stadionida markaziy bahs bo'lib o'tdi.

Unda "Napoli" va "Milan" jamoalari o'zaro to'qnash kelishdi. Uchrashuv neapolitanliklarning 1:0 hisobidagi kichik g'alabasi bilan yakunlandi. Bahsni Daniele Doveri boshqarib bordi.

O'yin taqdirini hal qilgan yagona gol 79-daqiqada kiritildi. Matteo Politano raqib darvozasini ishg'ol qilib, maydon egalariga muhim uch ochkoni taqdim etdi.

Ushbu g'alabadan so'ng "Napoli" o'z ochkolarini 65 taga etkazib, turnir jadvalida ikkinchi o'ringa ko'tarilib oldi. 63 ochkoga ega "Milan" esa uchinchi pog'onaga tushdi.

Navbatdagi bahslar:

"Napoli" 12 aprel kuni safarda "Parma" mehmoni bo'ladi. "Milan" esa 11 aprel kuni "Udineze"ni qabul qiladi.

Teglar: napoli, maydonida, milanni, maglub, etib, ikkinchi, oringa, kotarildi,
← OldingaOrqaga →