Noyer "Santyago Bernabeu"da rekord o'rnatdi

2026-04-08 17:42:02 / Kiritdi: BestMaster  O'qilgan: 1720

Myunxenning "Bavariya" jamoasi posboni Manuel Noyer YCHL 1/4 finali doirasida Madridning "Real" klubiga qarshi kechgan bahsda (2:1) fenomenal o'yin namoyish etdi.

40 yoshli darvozabon madridliklarning 9 ta zarbasini qaytarishga muvaffaq bo'ldi. Bu ko'rsatkich YCHL pley-off bosqichi tarixida "Santyago Bernabeu" stadionida qayd etilgan mutlaq rekord hisoblanadi. Statistika yuritila boshlangan davrdan buyon hali biror bir golkiper Madriddagi chiqish o'yinlarida 9 ta seyv amalga oshirmagan edi.

Noyerning ushbu mahorati "Bavariya"ga safardan muhim g'alaba bilan qaytish imkonini berdi. Endi jamoalar 15 aprel kuni Myunxenda javob uchrashuvini o'tkazishadi. Ikkinchi bahsda ham Manueldan mana shunday ishonchli harakatlar kutib qolamiz.

Teglar: noyer, santyago, bernabeuda, rekord, ornatdi,
← OldingaOrqaga →