Bobir Abdixoliqov: "Maqsadim - Jahon chempionatida ishtirok etish"
/ Kiritdi: BestMaster O'qilgan: 1024
"Nasaf" hujumchisi Bobir Abdixoliqov Superliganing 6-turidan o'rin olgan "Qo'qon-1912"ga qarshi o'yindan so'ng (1:1) o'z fikrlarini bildirdi.
– Bugun 1 ochko qo'lga kiritildimi yoki 2 ochko yo'qotildimi?
– Bugungi o'yinga keladigan bo'lsak, avvalambor, muxlislarimizga rahmat aytaman. Chunki uzoq masofadan kelib bizni qo'llab-quvvatlashdi. Muhit juda ajoyib bo'ldi. Maydon holati ham o'z o'yinimizni namoyish etishimizga yaxshi imkon berdi. Menimcha, 2 ochko yo'qotdik.
– Muhimi, bugun gol urdingiz. Joriy mavsumdagi gollar hisobingizni ochdingiz.
– Bundan avvalgi bahslarda ham imkoniyatlar yuzaga kelgandi. Hujumchilarda uchrab turadigan holat bor: to'p darvozaga kirishni istamaydi. Agar gol ura olmasa, elkasidagi yuk oshib boraveradi.
– Aprel oyidagi o'yinlar terma jamoaning navbatdagi yig'iniga qo'shilish imkoniyatini paydo qilishi mumkin.
– Terma jamoaga, albatta, har doim har bir futbolchi borishni xohlaydi. Har qanday futbolchi mundialda ishtirok etishni xohlaydi. Xudo xohlasa, yaxshi niyat qilib harakat qilamiz, maqsad – Jahon chempionatiga borish.
Teglar: bobir, abdixoliqov, maqsadim, jahon, chempionatida, ishtirok, etish,
← OldingaOrqaga →
39589155473989629 
Bosh sahifaga
465
9 Aprel 2026, 13:33