"Manchester Siti" yozda darvozabonini sotishga tayyor

2026-04-10 12:42:01 / Kiritdi: BestMaster  O'qilgan: 1386

"Manchester Siti" yozgi transfer oynasida darvozabon Jeyms Trafford uchun takliflarni ko'rib chiqadi.

Bu haqda "Daily Mail" xabar berdi.

Manbaning xabar berishicha, "shaharliklar" 23 yoshli ingliz futbolchisini 35-40 million funt sterlingga sotishga tayyor.

Ma'lumotlarga ko'ra, unga “Tottenxem” tomonidan qiziqish mavjud.

Trafford "shaharliklar" tarbiyalanuvchisi sanaladi. U 2023 yilning "Byornli"ga o'tgan va ikki yildan so'ng yana jonajon klubiga qaytgandi. Transfermarkt portali uni taxminan 31 million evroga baholagan.

Trafford ushbu mavsum 14 o'yinda qatnashib, 10 ta gol o'tkazib yubordi va 7 ta bahsda darvozasi daxlsizligini saqlab qoldi.

Teglar: manchester, siti, yozda, darvozabonini, sotishga, tayyor,
← OldingaOrqaga →