Qozog'istonlik futbolchi "Barselona" bilan shartnoma imzoladi
/ Kiritdi: BestMaster O'qilgan: 722
Kataloniyaning "Barselona" klubi Qozog'istondan chiqqan yosh futbolchi bilan shartnoma imzoladi. Bu tarixiy transfer qahramoni – 15 yoshli iqtidor egasi Karim Mendiqanov.
Yosh vinger rasman kataloniyaliklar safiga qo'shildi va keyingi mavsumdan boshlab "Barselona" tizimida harakat qiladi. Shu tariqa, Mendiqanov "Barsa" tarixidagi ilk qozog'istonlik futbolchiga aylanmoqda.
Karim 2011 yilda Qozog'istonda dunyoga kelgan. Professional futbolchi bo'lishni orzu qilgan o'spirinning oilasi 2022 yilda Ispaniyaga ko'chib o'tgan va o'shandan beri Kataloniyada mashg'ulot o'tab kelmoqda.
Dastlab u mahalliy "Syerdanola" klubi safida to'p tepib, o'zini ko'rsata oldi. Keyinroq esa "Sant-Kugat" jamoasiga o'tib, asosiy tarkibda muntazam maydonga tushish orqali murabbiylar ishonchini qozondi.
Mendiqanov – o'ng qanotda harakat qiladigan hujumchi. U o'zining yuqori tezligi, dribling mahorati va ishonchli o'yini bilan ajralib turadi.
Yosh futbolchiga Ispaniya yuqori divizionining bir nechta klublari qiziqish bildirgan bo'lsa-da, u "Barselona" taklifini tanlagan.
Mendiqanov yangi klubi bilan birgalikda mashg'ulotlarda ishtirok etishga ham ulgurgan.
Teglar: qozogistonlik, futbolchi, barselona, bilan, shartnoma, imzoladi,
← OldingaOrqaga →
Bosh sahifaga
433
12 Aprel 2026, 09:48