Keysuke Xonda futbolga qaytdi
/ Kiritdi: BestMaster O'qilgan: 5534
39 yoshli yaponiyalik bunga qadar murabbiy sifatida faoliyat olib borayotgandi.
Yaponiya terma jamoasi va "Milan" klubining sobiq yarim himoyachisi Keysuke Xonda keyingi mavsumda Singapur Premer-ligasida o'ynaydi.
2026/2027 yilgi mavsumdan boshlab "Jurong" FK nomi ostida faoliyat yuritadigan "Albireks Niigata Singapur" klubining matbuot xizmati xabarida aytilishicha, Xonda jamoa safiga avgust oyida qo'shiladi.
Xonda o'z faoliyatini Yaponiyaning "Nagoya Grampus Eyt" jamoasida boshlagan. Shundan so'ng u Niderlandiyaning "VVV-Venlo" va Rossiyaning "SSKA" (Moskva) klublarida to'p tepdi. Italiya A Seriyasida "Milan" bilan taxminan uch yil harakat qilganidan keyin, futbolchi Avstraliya, Braziliya va Portugaliya klublarida ham o'ynadi.
39 yoshli tajribali yarim himoyachi Yaponiya terma jamoasi safida 100 ga yaqin uchrashuv o'tkazgan va "Ko'k samuraylar" tarkibida uchta Jahon chempionatida ishtirok etgan. Xonda shuningdek, 2018 yildan 2023 yilgacha Kamboja milliy terma jamoasida bosh murabbiy sifatida ham faoliyat yuritgan.
Teglar: keysuke, xonda, futbolga, qaytdi,
← OldingaOrqaga →
Bosh sahifaga
687
12 Aprel 2026, 09:37