Ekspert fikri. Bugungi uchrashuvlarda kimda qanday imkoniyat?

2026-04-13 11:18:01 / Kiritdi: BestMaster  O'qilgan: 2976

Bugun Superliganing 7-tur uchrashuvlari davom etadi.

Oldindagi o'yinlar oldidan sobiq futbolchi Zohir Pirimov fikrlarini bildirdi.

"Nasaf" - "Buxoro"

Bu o'yinda "Buxoro" ko'proq qarshi hujumlarga tayanib o'ynasa kerak. "Nasaf" esa har qanday holatda bo'lmasin, birinchi raqam bo'lib o'ynaydi. Bu o'yinda "Nasaf"ga ozroq ustunlik bergan bo'lardim.

​"Paxtakor" - "Mashal"

"Paxtakor" - favorit va hozirga kelib ancha yaxshi formaga tushib oldi. Jamoa hozir ko'tarinki ruhda. Tarkiblar borasida ham ancha farq bor. "Mashal" bu o'yinda chuqur himoyalanib, qarshi hujumda imkoniyatini kutadi, deb o'ylayman.

​Qizilqum - So'g'diyona

Bu o'yinda bitta gol hammasini hal qilishi mumkin. Standart vaziyatlar ham katta rol o'ynaydi, balki durang natija ham kutsak bo'ladi.

Teglar: ekspert, fikri, bugungi, uchrashuvlarda, kimda, qanday, imkoniyat?,
← OldingaOrqaga →