Akmal Rustamov: "Men haqimdagi oxirgi so'zni rahbariyat aytadi"
/ Kiritdi: BestMaster O'qilgan: 1692
Superliga 7-turidan o'rin olgan "Qizilqum" – "So'g'diyona" (1:3) uchrashuvidan keyin "Qizilqum" bosh murabbiyi Akmal Rustamov matbuot anjumanida ishtirok etdi.
- O'yin haqida fikringiz?
- Bugun juda og'ir uchrashuvni o'tkazdik. To'rtta uchrashuvdan beri g'alaba qozona olmayapmiz, natija kunga kunga yomonlashib bormoqda. Shunga qaramay, muxlislar stadionga kelyapti va bizni qo'llab turishibdi, buning uchun ularga rahmat aytaman. O'yinga keladigan bo'lsak, qandaydir o'raga tushib qolganmiz va bundan chiqa olmayapmiz. Tarkibimizga qarang, o'tgan yilgi o'zakni saqlab qolganmiz, o'yin uslubimizdan ham voz kechganimiz yo'q. Bugun o'radan chiqib olishimiz kerak edi. Muxlislardan uzr so'rayman, hamma aybni o'z bo'ynimga olaman.
- Birinchi taymda Bobomurod Bozorov himoyada o'ynadi va ikkinchi bo'limda siz uni oldinga o'tkazgach yanada foydali harakat qila boshladi.
- Birinchi bo'limdagi sxemamiz 4-4-2 edi. Gol o'tkazgach, 3-5-2ga o'tdik. Tezroq vaziyatni o'nglash uchun shu taktikaga o'tdik. Shuncha harakat qildik, biroq hisobni tenglashtira olmadik.
- Grigol Chabradzening jarohati bo'yicha?
- Bu borada shifokorlar xulosasini kutamiz. Shundan so'ng aniq javob bersa bo'ladi.
- OAVda "Qizilqum"da bosh murabbiy o'zgaradi kabi gaplar bong uryapti. Bunga munosabatingiz?
- Savolingizni to'g'ri qabul qilaman. Bu gap hamma joyda bor. Jamoa yutsa hamma yutadi, jamoa yutqazsa murabbiy yutqazadi. Buniyam to'g'ri tushunaman. Oxirgi so'z klubimiz rahbariyatida qoladi.
Men Navoiyda tug'ilib o'sganman va doim Navoiy futbolini rivojlantirishga harakat qilganman. Lekin hozir vaziyat qaltis va barcha ko'rib turibdi. Men o'zimni oqlamoqchi emasman. Aytib o'tganimdek, o'tgan yilgi tarkibni olib qoldik, futbolchilarga ishonamiz. Men haqimdagi oxirgi so'zni rahbariyat aytadi.
Teglar: akmal, rustamov, haqimdagi, oxirgi, sozni, rahbariyat, aytadi,
← OldingaOrqaga →
Bosh sahifaga
286
Kecha, 08:29