Xans-Diter Flik "Metropolitano" maydonidan norozi: "Barselona" UEFAga shikoyat qildi
/ Kiritdi: BestMaster O'qilgan: 2014
"Barselona" bosh murabbiyi Xans-Diter Flik YCHL 1/4 finalidan o'rin olgan "Atletiko"ga qarshi javob bahsi oldidan Madriddagi stadion maydoni holatini tanqid qildi.
Ertaga bo'lib o'tadigan muhim uchrashuv oldidan o'tkazilgan rasmiy mashg'ulot vaqtida Flik "Sivitas Metropolitano" gazonidan noroziligini yashirib o'tirmadi. "Mundo Deportivo" nashri xabariga ko'ra, germaniyalik mutaxassis UEFA delegatlariga murojaat qilib, maydondagi muammoli nuqtalarni ko'rsatgan. "El Desmarque" tomonidan e'lon qilingan videotasvirlarda Flikning hakamlar va rasmiy vakillar bilan maydon holati bo'yicha qizg'in bahslashayotgani aks etgan.
Eslatib o'tamiz, jamoalar o'rtasidagi ilk bahsda Diego Simeone shogirdlari 2:0 hisobida g'alaba qozonishgan edi. Endi kataloniyaliklar nafaqat raqib himoyasini yorib o'tishga, balki murakkab holatdagi maydonda o'z o'yinlarini ko'rsatishga ham majbur bo'lishadi.
Madriddagi hal qiluvchi bahs ertaga Toshkent vaqti bilan soat 00:00 da boshlanadi. Ushbu omil "Barselona"ning kambek qilish imkoniyatlariga qanchalik ta’sir qiladi - buni o'yin davomida bilib olamiz.
Teglar: xans-diter, flik, metropolitano, maydonidan, norozi, barselona, uefaga, shikoyat, qildi,
← Bosh sahifaOrqaga →
Bosh sahifaga
448
14 Aprel 2026, 08:29