Anvar G'ofurov: "Raqib Chineduning onasidan so'kkan ekan"

2026-04-18 00:06:01 / Kiritdi: BestMaster  O'qilgan: 934

Superliganing 8-turi doirasida "Surxon" - "Qizilqum" (0:1) uchrashuvidan keyin mezbonlar bosh murabbiyi Anvar G'ofurov matbuot anjumanida qatnashdi.

- "Qizilqum" jamoasini g'alaba bilan tabriklayman. Shunday o'yin bo'lishini kutgandim. Bir gol biror jamoaga g'alaba keltirar edi. "Qizilqum"ning o'yin uslubi o'zgacha. Jamoa doimo to'psiz o'ynashga ham tayyor. Ular o'z vaziyatini kutib, bundan foydalanishga harakat qilishini bilgandim. "Qizilqum" himoyada zich harakat qildi. 10 kishi bo'lib, o'z yarim maydonida yaxshi o'ynadi. Bu ham futbolga hos holat. Lekin bizning o'z yo'limiz bor. Yo'nalishimiz biroz boshqacha, shunday tartibli o'yin ko'rsatadigan jamoalarga qarshi o'yin orqali o'sishga intilamiz. Bu uchun bizda etarlicha imkoniyatlar bor. Buning uddasidan chiqishimizga ishonaman.

- Chineduning oddiy vaziyatlarga ham jahli chiqib ketayotganini ko'ryamiz. Bu uning ruhiy holati o'yinlarga unchalik tayyor emasligini bildiradimi?- Bu birinchi marta kuzatildi. Bu yerda aytish qanchalik to'g'ri, bilmayman. Raqibi onasidan so'kkan ekan. Bu esa unga og'ir botibdi. Bu hammamizga noqulay. Kim bo'lishidan qatiy nazar bunday gaplar gapirilmasligi kerak.

- "Surxon" birinchi bo'limda ko'proq vaziyatlarga ega bo'ldi. Ikkinchi taymda esa "Qizilqum" to'p bilan ko'proq bo'ldi va vaziyatlar yaratdi. Ikkinchi bo'limdagi past o'yinning sababi nimada?- Birinchi bo'limni biz ko'proq nazorat qildik va vaziyatlarga ega bo'lishimizni kutgandik. Bunday bo'lmagandan keyin ikkinchi bo'limda tavakkal qilishga majbur bo'ldik. Futbolchilardan ham shuni talab qildik. Tavakkal qilmasak, ish bitmasdi. Tepadan Chinedu tomon uzatilgan paslarni raqibning bo'yi uzun futbolchilari qayyotarayotgandi. Barcha to'p raqibga borib tushishni boshlagandan keyin raqiblarda ko'proq vaziyatlar yuzaga keldi. 50 kv metr zich joydan ko'ra 50 kv metr ochiq joyda futbol o'ynash osonroq. Shuning evaziga raqibda ko'proq vaziyatlar yuzaga keldi. Kelasi o'yinlarda o'sishda davom etamiz.

- Sunnatillo Abdullajonovning zaxiraga olinishi nima bilan bog'liq?- Asad Karimovni reja qilgandik. U shunday holatlarda yaxshi harakat qiladi. U shunday o'yinlarni sog'ingan, bugungi o'yinda kerak edi deb o'ylagandim. Chunki u yangi kuch. Hali ko'p o'ynamagan va nimanidir isbotlashga harakat qilishini kutgandim. Richard Fraydey orqali o'yinni tezlashtirishni rejalashtirgandim. U orqali biz qanotdan paslarni ko'paytirishimiz kerak edi. Maqsadimiz gol urishmi, buning uchun harakatni boshlash kerak edi. Ko'p harakat qilgan bo'lsak-da, yaxshi vaziyatlarimiz bo'lmadi. Markazda raqib tarkibida 6 futbolchi o'ynadi va bu bizga qiyinchilik tug'dirdi. Bu futbol. Raqib 8 kishi himoyada tursa ham gol urilishi mumkin.

Muxlislardan uzr so'rayman. Bu mag'lubiyatni bo'ynimga olaman. Men ham o'sishda davom etishim kerak. Kelasi o'yinlar oson bo'lmaydi. Barchamiz bir maqsad yo'lida harakat qilishimiz kerak.

Teglar: anvar, gofurov, raqib, chineduning, onasidan, sokkan, ekan,
← OldingaOrqaga →