Robertson faoliyatini "Tottenxem"da davom ettiradi
/ Kiritdi: BestMaster O'qilgan: 354
"Liverpul” himoyachisi Endryu Robertson faoliyatini "Tottenxem"da davom ettirishi mumkin, deb xabar bermoqda jurnalist Nikolo Skira.
"Liverpul” 9 aprel kuni Robertsonning kyetishini e'lon qilgandi. 2026 yilning yozida 32 yoshli shotlandiyalikning klub bilan shartnomasi tugaydi.
Manbaga ko'ra, futbolchi allaqachon "Tottenxem" bilan shartnoma imzolash bo'yicha kelishuvga erishgan. U 2028 yil yozigacha mo'ljallangan. Agar "shporlar" APLdagi o'rnini saqlab qolsa, futbolchi London klubiga o'tishga tayyor.
Robertson 2017 yildan beri "Liverpul” safida o'ynamoqda. U jamoa safida 373 ta o'yin o'tkazib, 13 ta gol urgan va 69 ta golli uzatmani amalga oshirgan.
Himoyachi "Liverpul” bilan ikki marta APL va Angliya Liga kubogi g'olibi bo'ldi, shuningdek Angliya kubogi, mamlakat Superkubogi, Chempionlar ligasi, UEFA Superkubogi va klublar o'rtasidagi jahon chempionatida bittadan g'olib chiqdi.
Teglar: robertson, faoliyatini, tottenxemda, davom, ettiradi,
← OldingaOrqaga →
Bosh sahifaga
304