Simeone - "Chelsi" bosh murabbiyi lavozimi uchun asosiy nomzod

2026-04-20 19:06:01 / Kiritdi: BestMaster  O'qilgan: 1932

"Atletiko" Madrid ustozi Diego Simeone London jamoasida ish boshlashi ehtimoli yo'q emas.

Londonliklarning amaldagi bosh murabbiy Liam Rosenor bilan shartnomasi 2032 yilgacha mo'ljallangan. Manbaga ko'ra, klub ichida uning kelajagi borasida shubhalar kuchayib bormoqda. Sabab - Chempionlar Ligasiga yo'llanma ololmaslik xavfi.

Simeone 2011 yildan beri "Atletiko"da ishlab kelmoqda. Jamoa uning boshchiligida ikki marta Ispaniya chempionatida (2014, 2021), bir bor Ispaniya Kubogida (2013), ikki marta Yevropa Ligasida (2012, 2018) g'olib bo'lgan va ikki marta Chempionlar Ligasi finaliga chiqqan (2014, 2016).

"Chelsi" 33 o'yinda 48 ochko to'plagan va Angliya chempionati jadvalida 6-o'rinni egallab turibdi.

Teglar: simeone, chelsi, bosh, murabbiyi, lavozimi, uchun, asosiy, nomzod,
← Bosh sahifaOrqaga →