Kroos faoliyatini tiklashi haqida: "Men bu bobni yopganman"

2026-04-21 12:54:02 / Kiritdi: BestMaster  O'qilgan: 1990

"Real" va Germaniya terma jamoasi sobiq yarim himoyachisi Toni Kroos futbolchilik faoliyatini davom ettirish haqida o'ylamasligini bildirdi.

36 yoshli nemis futbolchisi 20 aprel kuni "Sportdagi ilhom" nominaciyasida Laureus mukofotiga sazovor bo'ldi. Taqdirlash marosimi Ispaniyaning Madrid shahrida bo'lib o'tdi.

"Men hech qachon bunday fikrga kelmaganman, chunki men aynan o'zim xohlagan tarzda ketdim. Men bu bobni yopganman. Har doim faoliyatimni yaxshiroq tarzda yakunlashning iloji yo'qligini his qilardim. Kechiktirganimda, vaziyat faqat yomonlashardi", – dedi Kroos.

Kroos "Real" bilan Ispaniya chempionatida to'rt marta va Chempionlar Ligasida besh marta g'olib bo'lgan. "Bavariya" bilan u uch marta Bundesliga va bir marta Chempionlar Ligasida g'olib chiqqan. Yarim himoyachi 2014 yilda Germaniya terma jamoasi bilan Jahon chempionligini qo'lga kiritgan.

Teglar: kroos, faoliyatini, tiklashi, haqida, bobni, yopganman,
← OldingaOrqaga →