APLda mo'jizaviy chempionlikka erishgan "Lester Siti" Chempionshipdan tushib ketdi

2026-04-22 12:03:02 / Kiritdi: BestMaster  O'qilgan: 2924

Bir paytlar butun dunyoni o'z mo'jizasi bilan hayratga solgan "Lester Siti" klubi Angliya futbolida tubanlikka sho'ng'ishda davom etmoqda.

Gari Rouett shogirdlari Chempionshipning 44-turida "Xall Siti" bilan durang o'ynashdi va musobaqani tark etishi aniq bo'ldi.

Ayni damda "tulkilar" hisobida 42 ochko mavjud va ular turnir jadvalida 23-o'rinni egallab turishibdi. Mavsum yakunilanguniga qadar ikkita tur qolgan bir vaqtda, xavfsiz hudud (21-o'rin) bilan oradagi farq 7 ochkoni tashkil etmoqda. Bu esa "Lester" uchun nazariy jihatdan ham imkoniyat qolmaganini anglatadi.

Diqqatga sazovor jihati shundaki, "Lester" ketma-ket ikkinchi mavsumda pastki ligaga ravona bo'lmoqda. 2024/25 yilgi mavsumda jamoa APLda 18-o'rinni egallab, yuqori divizion bilan xayrlashgan edi. Endi esa jamoa Angliyaning uchinchi toifadagi ligasida ishtirok etadi.

Ma'lumot uchun, "Lester" oxirgi marta 2008/09 yilgi mavsumda uchinchi divizionda o'ynagan. Jamoaning eng yuqori cho'qqisi esa 2015/16 yilgi mavsumga to'g'ri keladi - o'shanda "tulkilar" Klaudio Raneri boshchiligida Angliya chempioni bo'lib, tarixiy natija qayd etishgan edi. Oradan 10 yil o'tib, chempion jamoa uchinchi liga vakiliga aylandi.

Teglar: aplda, mojizaviy, chempionlikka, erishgan, lester, siti, chempionshipdan, tushib, ketdi,
← OldingaOrqaga →