Buffon Italiya futbolidagi inqiroz sabablarini ma'lum qildi

2026-04-22 20:42:02 / Kiritdi: BestMaster  O'qilgan: 5302

Buffon Italiya futbolidagi inqirozga to'xtaldi.

Italiya terma jamoasining sobiq darvozaboni Janluiji Buffon mamlakat futbolidagi tanazzul sabablarini ochiqladi.

Italiya terma jamoasi JCH-2026 saralash bosqichi pley-off finalida Bosniya va Gersegovinaga imkoniyatni boy berib (1:1, penaltilar seriyasida 1:4), ketma-ket uchinchi jahon chempionatini o'tkazib yuboradi.

“Italiya futbolidagi inqiroz? Buning uchta yaqqol sababi bor deb aytgan bo'lardim. Birinchisi - globallashuv. U barcha jamoalarga raqobatbardosh bo'lish imkonini berdi va o'yinning o'rtacha darajasi ancha o'sdi.

Ikkinchidan, 15 yil avval, biz g'alaba qozongan paytlarda, taktik jihatdan raqiblarimizdan kuchliroq edik. Hozir esa unday emas. Uchinchidan esa, bizda bir nechta ajoyib futbolchilar bor, ammo avvallari ustunlik qilishimizga yordam bergan Badjio, Del Piero yoki Totti kabi haqiqiy ijodkor istedodlar yetishmayapti”, – dedi Buffon.

Teglar: buffon, italiya, futbolidagi, inqiroz, sabablarini, malum, qildi,
← OldingaOrqaga →