"Arsenal" yozgi transfyerdagi asosiy maqsadini belgilab oldi

2026-04-23 12:51:01 / Kiritdi: BestMaster  O'qilgan: 1650

"Caught Offside" xabariga ko'ra, "Arsenal" bosh murabbiyi Mikel Arteta klub rahbariyatiga "Atletik"ning 23 yoshli vingeri Niko Uilyamsni sotib olishni istayotganini ma'lum qilgan.

Arteta ispaniyalik vingerni o'yin uslubi va jismoniy xususiyatlari tufayli jamoani kuchaytirish uchun ideal nomzod sifatida ko'rmoqda.

Uilyamsning o'zi yaqinda Bilbaodan kyetishga tayyor ekanligini, chunki u yerda o'zini baxtli his qilmayotganini ta'kidladi. "Atletik" Nikoni o'z xohishiga qarshi ushlab turishning manosi yo'qligini tushunadi va uni 90 million evro evaziga qo'yib yuborishga tayyor.

Ispaniya terma jamoasi a'zosi ushbu mavsum basklar safida 29 o'yinda maydonga tushib, 4 ta gol urdi va 6 ta golli uzatmani amalga oshirdi. Uning klub bilan bitimi 2035 yilgacha amal qiladi va Transfermarkt ma'lumotlariga ko'ra, hozirda uning narxi 50 million evroni tashkil qiladi.

Teglar: arsenal, yozgi, transfyerdagi, asosiy, maqsadini, belgilab, oldi,
← OldingaOrqaga →