Bastoni "Barselona"ga o'tish uchun maoshi kamayishiga ham rozi

2026-04-24 13:06:02 / Kiritdi: BestMaster  O'qilgan: 2880

"Barselona" "Inter" himoyachisi Alessandro Bastonini sotib olishga tayyorlanmoqda.

Bu haqda "Mundo Deportivo" ma'lum qildi.

Manbaning xabariga ko'ra, La Liga jamoasi 27 yoshli italiyalik futbolchini 5 yilga sotib olmoqchi. Futbolchining o'zi "Barselona"ga o'tish uchun qo'lidan kelgan barcha ishni qiladi. Shuningdek, u kataloniyaliklarni moliyaviy tomondan qiynab qo'ymaslik uchun maoshi kamayishiga ham rozilik bergan.

Dastlabki ma'lumotlarga ko'ra, transfer narxi 75 million evroni tashkil qiladi.

Bastoni "Inter"da 2017 yilning avgustidan beri harakat qilib kelmoqda. Uning milanliklar bilan shartnomasi 2028 yil 30 iyungacha mo'ljallangan

Himoyachi 2025/26 yilgi mavsum 37 o'yinda 2 ta to'p kiritdi hamda 6 ta golli pas uzatdi. Transfermarkt portali uni 70 million evroga baholagan.

Teglar: bastoni, barselonaga, otish, uchun, maoshi, kamayishiga, rozi,
← OldingaOrqaga →