"Dinamo"ning urugvaylik legioneri vataniga jo'nab ketdi
/ Kiritdi: BestMaster O'qilgan: 7152
Samarqandning "Dinamo" klubi himoyachisi Mauro Brasil ayni vaqtda o'z vatani – Urugvayda bo'lib turibdi. Bu haqda futbolchi o'zining ijtimoiy tarmoqlardagi sahifasi orqali ma'lum qildi.
Instagram tarmog'idagi sahifasiga joylangan so'nggi suratda urugvaylik legioner Montevideo shahrida avtomashina boshqarib ketayotganini va "o'z yurtiga qaytganini" (ispan tilida "de vuelta en el paisito") qayd etgan. Shuningdek, kadrda futbolchining Janubiy Amerika xalqlariga xos bo'lgan ananaviy mate ichimligini ichib ketayotganini ham ko'rish mumkin.
Ma'lumot o'rnida, 27 yoshli markaziy himoyachi joriy yilning boshida "Dinamo" safiga kelib qo'shilgan edi. U O'zbekiston chempionati tarixida harakat qilayotgan ilk urugvaylik futbolchi hisoblanadi. Ayni vaqtda Mauroning qanday sababga ko'ra (kichik tatil, oilaviy sabablar yoki boshqa omillar) Urugvayga ketganligi borasida hozircha rasmiy bayonot berilmagan.
Samarqandliklar esa Superligadagi ishtirokini davom ettirmoqda. Eslatib o'tamiz, Brasil mavsum boshidan buyon ikki o'yinda atiga 60 daqiqa maydonda to'p tepdi. Oxirgi ikki uchrashuvda esa qaydnomaga ham kiritilmadi.
Teglar: dinamoning, urugvaylik, legioneri, vataniga, jonab, ketdi,
← OldingaOrqaga →
Bosh sahifaga
891
26 Aprel 2026, 04:39