"Bavariya"dan antirekord: Myunxenliklar 1995 yildan beri ilk bor evrokuboklarda o'z darvozasidan 5 ta gol olib chiqdi
/ Kiritdi: BestMaster O'qilgan: 2268
Vensan Kompani boshchiligidagi "Bavariya" uchun Parijdagi oqshom nafaqat mag'lubiyat, balki tarixiy antirekord bilan yakunlandi.
YCHL yarim finalining ilk bahsida PSJga 4:5 hisobida imkoniyatni boy bergan nemis grandi XXI asrda ilk bor evrokuboklarda bir o'yinda 5 ta gol o'tkazib yubordi.
Myunxenliklar darvozasiga oxirgi marta qachon xalqaro maydonda 5 ta gol urilganini eslash uchun ancha ortga qaytishga to'g'ri keladi. Oxirgi marta bunday holat 1995 yilning aprel oyida sodir bo'lgan edi. O'shanda Amstyerdamning "Ayaks" jamoasi "Bavariya"ni 5:2 hisobida mag'lub etgandi.
Shu tariqa, "Bavariya"ning mudofaa chizig'i 31 yildan so'ng yana bir bor pand berdi. Garchi hujum chizig'i 4 ta gol urishning uddasidan chiqqan bo'lsa-da, himoyadagi parokandalik jamoani noqulay ahvolga solib qo'ydi.
Endi hammasi Myunxenda hal bo'ladi. Javob uchrashuvi 6 may kuni bo'lib o'tishi belgilangan.
Teglar: bavariyadan, antirekord, myunxenliklar, 1995, yildan, beri, evrokuboklarda, darvozasidan, olib, chiqdi,
← OldingaOrqaga →



Bosh sahifaga
712
30 Aprel 2026, 09:53