Ryudiger "Real" mashg'ulotida Karrerasga qo'l ko'tardi

2026-05-06 15:51:02 / Kiritdi: BestMaster  O'qilgan: 386

"Real" Madridning mashg'ulotlaridan birida Antonio Ryudiger va Alvaro Karreras o'rtasida kelishmovchilik yuzaga keldi.

Shu hafta Onda Cero jurnalisti Migel Serrano Ryudiger Karrerasning yuziga urgani haqida xabar berdi. Uning so'zlariga ko'ra, voqea aprel oyida madridliklarning "Alaves" va "Betis"ga qarshi o'yinlari oralig'ida sodir bo'lgan.

The Athletic nashri ham aprel oyida germaniyalik himoyachining jamoadoshlaridan biri bilan mojarosi kelib chiqqanini tasdiqlagandi. O'shanda Antonio uzr so'ragani va butun jamoani oilasi bilan birga tushlikka taklif qilgani aytilgan edi.

COPE jurnalisti Migel Anxel Dias esa Ryudiger Karrerasning yuziga urganini tasdiqladi, biroq bu voqea aprelda emas, balki fevralda - butun jamoa yig'ilgan kechki ovqatning ertasiga sodir bo'lganini ta'kidladi.

Ispaniyalik futbolchi tarqalgan gap-so'zlarga munosabat bildirdi.

"So'nggi kunlarda men haqimda haqiqatga to'g'ri kelmaydigan turli ig'vo va sharhlar paydo bo'ldi. Mening ushbu klubga va men bilan birga ishlagan murabbiylarga bo'lgan sadoqatim birinchi kundan boshlab mustahkam bo'lgan va shunday bo'lib qoladi.

Qaytgan paytimdan beri doimo yuqori professionallik, hurmat va fidoyilik bilan ishlab kelmoqdaman. Uyga qaytish orzuimni amalga oshirish uchun juda ko'p mehnat qildim.

Jamoadoshim bilan bog'liq hodisaga to'xtaladigan bo'lsam, bu bir martalik va ahamiyatsiz holat bo'lib, u allaqachon hal qilingan. Mening butun jamoa bilan munosabatlarim juda yaxshi", – deb yozdi Karreras instagramdagi storisida.

Teglar: ryudiger, real, mashgulotida, karrerasga, kotardi,
← OldingaOrqaga →