MYUning keyingi mavsumdagi murabbiyi kim bo'lishi aniqmi?
/ Kiritdi: BestMaster O'qilgan: 288
"Manchester Yunayted"ning navbatdagi mavsum uchun yangi murabbiyi ma'lum bo'ldi.
"TeamTalk" xabariga ko'ra, vaqtinchalik murabbiy sifatidagi ta’sirchan faoliyati va jamoa 14 o'yindan 10 tasida g'alaba qozonib, muddatidan oldin Chempionlar Ligasi yo'llanmasini qo'lga kiritganidan keyin Kerrik klubdagi eng ustuvor variantga aylandi.
Ser Jim Retkliff va sport direktori Jeyson Uilkoks oxir-oqibat Tomas Tuxel va Yulian Nagelsmann kabi taniqli nomlarni o'z ichiga olgan yana 8 nafar nomzoddan voz kechdi.
Kerrikning muvaffaqiyati nafaqat uning natijalari, balki jamoani birlashtira olish qobiliyati bilan ham bog'liqligi aytilmoqda: Brunu Fernandesh va Harri Maguayr kabi yetakchilar uning tayinlanishini ochiqchasiga qo'llab-quvvatladi.
Klub allaqachon murabbiylar shtabini kuchaytirish ustida ishlamoqda va "Bavariya"dan Aaron Danksni jalb qilishni rejalashtirmoqda. "Yunayted" rahbariyati Kerrik taktik mahorati va klub madaniyatini chuqur tushunishi bilan "Old Trafford"da yangi muvaffaqiyat davrini boshlashi mumkinligiga ishonadi.
Teglar: myuning, keyingi, mavsumdagi, murabbiyi, bolishi, aniqmi?,
← OldingaOrqaga →
Bosh sahifaga
352