Marat Miftaxutdinov Vadim Abramovning matbuot anjumanida qatnashmagani sababini aytdi

2026-05-15 22:54:01 / Kiritdi: BestMaster  O'qilgan: 1128

O'zbekiston Kubogi guruh bosqichi 2-turi doirasida "Lokomotiv" - "Dinamo" (2:2) uchrashuvidan keyin mehmonlar murabbiyi Marat Miftaxutdinov matbuot anjumanida qatnashdi.

- O'ylaymanki, bugungi bahs muxlislarga yoqdi – ikki tomonlama jangovar o'yin kechdi. O'yin oldidan o'zimizni muammolarimiz bor edi, yani Firdavs Abdurahmonov ancha vaqt o'ynamay, maydonga tushgandi, Oybek O'rmonjonov ham uzoq muddatdan keyin safga qaytdi. Himoya chizig'imizda ham muammolar bor edi. Hisobda oldinda edik, ammo oxirida himoyadagi e'tiborsizlik golga sabab bo'ldi.

- Jamoaning guruhdan chiqish imkoniyatini qanday baholaysiz?

- Rostdan ham hammasi endi bizning qo'limizda emas. Endi so'nggi turni kutamiz, hammasi oxirgi turda hal bo'ladi.

- Vadim Abramov mana ketma-ket ikkinchi o'yindirki, matbuot anjumaniga kirmadi. U bizdan hafa bo'ldimi?

- Yo'q, unday emas. U biroz davolanyapti. Vadim Abramov so'nggi o'yinlarda juda asabiylashdi, sog'lig'idagi muammo sabab matbuot anjumanida o'rniga men qatnashyapman.

- Jamoa ikki o'yinda g'alaba qozona olmadi. Balki yoshlar jamoasini sinab ko'rish kerak bo'lgandir. Chunki bu jamoaning natijalarini ular ham qilib bera olardi.

- Aytganingizdek, barchasi so'nggi turda hal bo'ladi. Bizda qanday muammolar borligini barcha biladi. Vazifa o'zgarmaydi, muammo borligi ma'lum, o'ynash kerak va guruhdan keyingi bosqichga chiqish kerak. So'nggi turda ham kurashamiz.

- Muammolarga qaramasdan jamoaning ikki futbolchisi jahon chempionatiga yo'l olishi mumkin. Bu jamoadagi boshqa futbolchilarning ruhiyatiga ta’sir qiladimi?

- Tarkibimizdan ikki futbolchining JCH-2026ga borishi mumkinligi qolgan futbolchilarimizni albatta ruhlantiradi. Misol uchun, O'rmonjonov va Abdurahmonov ham olimpiya jamoasiga chaqirilib kelmoqda, bu xursand qiladi, - deydi Marat Miftaxutdinov o'yindan keyin.

Teglar: marat, miftaxutdinov, vadim, abramovning, matbuot, anjumanida, qatnashmagani, sababini, aytdi,
← OldingaOrqaga →