"Chelsi"ning asosiy futbolchisi yozda jamoani tark etadi

2026-05-17 10:18:02 / Kiritdi: BestMaster  O'qilgan: 6646

Katalon jurnalisti Jota Jordi "Chelsi" himoyachisi Mark Kukurelya bu yozda Ispaniyaga qaytishini ma'lum qildi.

Jordi ma'lumotlariga ko'ra, dushanbadan boshlab "Barselona" o'yinchi atrofidagilar bilan muzokaralarni boshlaydi. Jurnalist Kukurelya Londonda 1000% qolishi mumkin emasligini va faoliyatini Ispaniyada davom ettirishini ta'kidladi. Unga "Barselona" va "Atletiko" qiziqish bildirmoqda.

Kukurelya "Barselona" tarbiyalanuvchisi hisoblanadi, u Ispaniyada "Eybar" va "Xetafe"da ham o'ynagan, "Chelsi"ga esa "Brayton"dan o'tgan.

Himoyachi joriy mavsum 48 ta uchrashuvda maydonga tushdi. Uning hisobida 1 ta gol va 4 ta assist bor. Futbolchining "Chelsi" bilan tuzgan shartnomasi 2028 yilning yozigacha mo'ljallangan. Transfermarkt nashri ispaniyalikni 50 million evroga baholagan.

Teglar: chelsining, asosiy, futbolchisi, yozda, jamoani, tark, etadi,
← OldingaOrqaga →