Futbol muxlislari norozilik namoyishi vaqtida hukumat binosiga o't qo'ydi

2026-05-17 19:36:02 / Kiritdi: BestMaster  O'qilgan: 2458

Tripolidagi futbol klublaridan birining muxlislari hakamning qaroridan norozi bo'lib, Liviya Milliy birlik hukumati qarorgohining fasad qismi va bog'iga o't qo'yishdi. Bu haqda ikki nafar guvoh va mahalliy telekanal xabar berdi.

Poytaxtdagi tartibsizliklar payshanba oqshomida, Tripolining "Al-Ittihod" futbol klubi muxlislari Misrataning "As-Suvayhliy" klubiga qarshi o'yinda hakamning penalti belgilamagan qaroriga norozilik bildirib, ko'chalarga chiqqanidan so'ng avj oldi.

Uchrashuv Tripolidan 65 kilometr janubi-sharqda joylashgan Tarhuna shahri stadionida bo'lib o'tgan. O'yinni bevosita kuzatib borgan "Reuters" jurnalistining so'zlariga ko'ra, "Al-Ittihod" jamoasining hakam qaroriga etirozi tufayli bahs 87-daqiqada to'xtatilgan.

Jurnalistning takidlashicha, "Al-Ittihod" muxlislari maydonga bostirib kirib, mulkka zarar etkazgan va stadion qo'riqchilarini jarohatlagan tartibsizliklarni keltirib chiqarishgan.

Ikki guvohning so'zlariga ko'ra, Tripolida o'yinni o'z klubi bazasida tomosha qilayotgan "Al-Ittihod" muxlislari hukumat binosi tomon yurish qilgan va "o'z g'azablarini ifodalash uchun" pirotexnika vositalarini ishga solgan. Oqibatda binoning fasad qismida yong'in kelib chiqqan.

Teglar: futbol, muxlislari, norozilik, namoyishi, vaqtida, hukumat, binosiga, qoydi,
← OldingaOrqaga →