Sergey Chigodaev: "Yaponiya bila birinchi marta o'ynamayapmiz"

2026-05-18 21:45:01 / Kiritdi: BestMaster  O'qilgan: 886

O'zbekiston U-17 terma jamoasi bosh murabbiyi Sergey Chigodaev va himoyachimiz Muhammad Hakimov yarim final bahsi oldida matbuot anjumanida ishtirok etdi.

Sergey Chigodaev:

“Yaponiyani o'rganib chiqmoqdamiz. Kuchli va kuchsiz tomonlarini tahlil qilyapmiz, aytish mumkinki, raqibimiz tartibli jamoa. Ular bilan birinchi marta o'ynamayapmiz, avval ham 3 marta o'rtoqlik o'yinlarini o'tkazganmiz. Tezkor va texnik jihatdan yaxshi futbolchilari bor. Biroq ertaga o'yin ko'rsatadi, ikkala jamoa uchun ham qiziqarli o'yin bo'lib o'tadi”.

- Jamoa amaldagi chempion hisoblanadi, ertangi bahsda bu qanchalik muhim?

- O'tgan yili bu yosh toifasida jamoamiz musobaqa g'olibligini qo'lga kiritgan. Albatta biz ham bu natijani takrorlashga harakat qilamiz. Bu oson emas, biroq buning uchun bor imkoniyatimizni ishga solamiz.

Yarim finalda oddiy o'yinlar bo'lmaydi, har bitta o'yin qiyin bo'lishi tabiiy. Biz kurashamiz.

Muhammad Hakimov:

“Jamoadoshlarim bilan ertangi o'yinga tayyorgarlik ko'ryapmiz. Nasib bo'lsa, yaxshi o'yin ko'rsatamiz. O'ziga yarasha qiyin va qiziqarli o'yin bo'ladi. Ertangi o'yinda ham g'alaba uchun maydonga chiqamiz.

Bu yarim final o'yini, hamma bolalar tushunib turibdi, shunga yarasha kayfiyat bilan tushamiz va g'alaba qozonishga harakat qilamiz”.

Eslatib o'tamiz, o'smirlarimiz U-17 Osiyo kubogining yarim finalida Yaponiyaga qarshi bahs olib boradi. O'yin 19-may Toshkent vaqti bilan soat 20:00 da start oladi.

Teglar: sergey, chigodaev, yaponiya, bila, birinchi, marta, oynamayapmiz,
← OldingaOrqaga →