Rashid G'ofurov: "Bizga bitta g'alaba kerak edi"
/ Kiritdi: BestMaster O'qilgan: 1604
O'zbekiston Kubogi guruh bosqichidan o'rin olgan "Yaypan" - "Kattaqo'rg'on" (1:0) uchrashuvidan keyin matbuot anjumani tashkil etildi.
Unda "Yaypan" bosh murabbiyi Rashid G'ofurov ishtirok etdi.- O'yin haqida fikringiz?- Avvalambor muxlislarimizni va yigitlarni g'alaba bilan tabriklayman. "G'azalkent" bilan bahsdan keyin chuqurga tushib qolgandek edik. Avvalgi tonusga qaytish uchun bizga bitta g'alaba kerak edi. Berilgan ko'rsatmalarni futbolchilarimiz to'liq bajarishdi. Asosiy tarkibda o'ynaganlar ham, zaxiradan tushganlar ham - hamma o'z vazifasini bajardi. Shundan mening ko'nglim to'ldi.- Avvalgi turda jamoangiz "Paxtakor"ga qarshi bahs olib borib, 1:4 hisobida mag'lub bo'ldi. Bu o'yinda darvozani Mirzohid Jalilov qo'riqladi. Kuchli raqib bilan yosh futbolchini darvozaga qo'yish yosh darvozabonni "sindirib" qo'ymaydimi?- Yosh futbolchi deganda kim? Darvozabonmi? Birinchidan, Mirzohid boshqa darvozabonimiz Ozodbek Marupovdan katta. Shunday o'yinlarda unga amaliyot bermasak va tarkibda rotaciya qilmasak chempionatda bizga qiyin bo'lyapti. Biz uchun Kubokdan ko'ra Proliga muhimroq. Agar "Kattaqo'rg'on" ustidan qozonilgan g'alabani chempionatdagi uch ochkoga almashtirgan bo'larmidingiz deyishsa, Ha deb javob berardim. "Paxtakor"dan uchralgan mag'lubiyat aybdori faqat darvozabon emas, hammadan xato o'tdi. O'sha uchrashuvda ham boshqa futbolchilarni sinab ko'rdik. "Paxtakor" fonida o'z xatolarimizni ko'rib oldik. Tajribamiz kamligi sabab yirik mag'lubiyat qayd etildi.- Kubok o'yinlarida Superliga klublari guruhdan chiqishni uddalay olmayapti. "G'azalkent", "Mobiuz" kabi Proliga jamoalari esa guruhdan chiqdi. Superliga klublari Kubokka unchalik e'tibor bermayaptimi?- Hamma o'zining kuchiga qarab imkoniyatini davom ettiradi. Superliga jamoalari ham Kubokda rotaciya qilyapti. Hammaga o'yin amaliyoti berish maqsadida Superliga jamoalari shu yo'lni tutgan. Lekin bu degani Superliga ishtirokchilari kuchsiz degani emas. Baribir Superliganing o'z nomi bor. Faqat hamma o'z oldiga turlicha vazifalarni qo'yib harakat qilyapti.- Bugun kiritilgan gol juda ajoyib ko'rinish oldi. Necha ball qo'ygan bo'lardingiz?- Chindan ham chiroyli gol urildi. Golgacha bo'lgan vaziyatni esdan chiqarmaslik kerak. Agar o'sha vaziyatda Muzaffarga to'p uzatib berilmaganida gol ham bo'lmasdi. Shu bois golgacha bo'lgan harakatni ham etirof etish kerak. Ballga kelsak a'lo baho qo'ygan bo'lardim. Chunki bu gol o'yin taqdirini hal qildi.
Teglar: rashid, gofurov, bizga, bitta, galaba, kerak,
← OldingaOrqaga →
Bosh sahifaga
333
19 May 2026, 11:18