Shavkat Yusupov: "Kubokda uzoqroqqa borishni maqsad qilganmiz"
/ Kiritdi: BestMaster O'qilgan: 1224
O'zbekiston Kubogi guruh bosqichidan o'rin olgan "Qoraqalpog'iston FA" - "FarDU" (0:7) uchrashuvidan keyin matbuot anjumani tashkil etildi.
Bunda "FarDU" bosh murabbiyi Shavkat Yusupov ishtirok etdi.- O'yin haqida fikringiz?- Bugungi g'alaba bilan muxlislarimizni, jamoamiz vakillarini va klubimiz rahbariyatini tabriklayman. O'yin yaxshi boshlandi va raqib bizga yaxshi qarshilik ko'rsatdi. Lekin ikkinchi golni urganimizdan so'ng "Qoraqalpog'iston FA" o'yinchilarida kayfiyat tushib ketdi. Shundan so'ng o'yin tizginini o'z qo'limizga olib hujumlar sonini oshirdik. G'alabaning katta-kichigi bo'lmaydi, bu o'yinda uch ochko bizga juda zarur edi.- Bilamizki, "FarDU" safida ikki nafar qoraqalpog'istonlik futbolchi o'ynab kelmoqda. Ularning o'yinini qanday baholaysiz?- Bugungi bahsda Bobur Farhodov bilan Norxon Sheripov yaxshi harakat qilishdi. Ikkalasi gol urdi, golli vaziyatlar yaratdi, bugun eng yaxshi o'yinlaridan birini o'tkazishdi.- "FarDU" jamoasi Kubokda uzoqqa borishni maqsad qilyaptimi?- Oldingi uchrashuvlarda jarohat olgan futbolchilar sog'ayib tarkibga qaytdi. Bobur Farhodov, Asadbek Zokirjonov, Norxon Sheripov kabi o'yinchilarimizda jarohat bor edi. Ular sog'ayib maydonga qaytishdi va o'yinda asosiy ishni bajarishdi. Maqsadimiz - Kubok musobaqasida uzoqroqqa borish. Shu sababli bugun katta rotaciyaga qo'l urmadik. Oldinda bizni "Navbahor"ga qarshi bahs kutmoqda. Bugungi o'yin navbatdagi uchrashuv oldidan tayyorgarlik vazifasini o'tab berdi desa bo'ladi.
Teglar: shavkat, yusupov, kubokda, uzoqroqqa, borishni, maqsad, qilganmiz,
← OldingaOrqaga →
Bosh sahifaga
334
19 May 2026, 11:20