Andrey Shipilov: "Vazifani bajardik"
/ Kiritdi: BestMaster O'qilgan: 1198
O'zbekiston kubogi 3-turidan o'rin olgan "Metallurg" va "Qo'qon-1912" uchrashuvidan so'ng mehmonlar bosh murabbiyi Andrey Shipilov uchrashuvi haqida fikr bildirdi.
O'yin haqida...Vazifani bajardik, keldik va uch ochkoni qo'lga kiritdik. Boshqa nimadir deb aytishim ortiqcha. Bugungi o'yindan qoniqdim. Bugun ikkita gol urdik va o'z darvozamizdan gol o'tkazmadik. Bu butun jamoani g'alabasi. Bugun oson o'yin bo'lmadi. Raqibda ham kuchli va mahoratli futbolchilar jamlangan. Ayni vaqtda "Metallurg" Proligada o'ynayotgan bo'lishiga qaramasdan ancha yaxshi shaklangan jamoa. Jamoani ancha tarjibali murabbiy boshqarayotganini ham ta'kidlab o'tish lozim. Bu jamoa Superliga darajasida deb bemalol ayta olaman. Umuman olganda bugun uch ochkoni qo'lga kiritdik va guruhda ikkinchi bo'lib, keyingi bosqichga yo'l oldik. Biz endi tanaffusga chiqamiz, yozgi transfer vaqtida bir qator chiziqlar ustida ishlashimiz kerak. Bugun ajoyib o'yin ko'rsatdik va damga yaxshi kayfiyatda chiqib ketdik. Shu fursatdan foydalanib, jamoamiz uchun barcha sharoitlarni yaratib berayotgan Farg'ona viloyati hokimiga minnatdorchilik bildirib o'tmoqchiman. Bugungi g'alaba juda kerak edi va biz o'z maqsadimizga erisha oldik. Ayniqsa, bunday raqiblarni mag'lub etish doim yoqimli. Ular OKMK bilan durang o'ynagani ancha kuchli jamoa ekanligini ko'rsatib turibdi. - OKMK, "Metallurg" yoki "Aral". Guruhdagi eng qiyin o'yin qaysi bo'ldi? - "Aral"ga qarshi uchrashuv. Bu haqda avvalgi matbuot anjumanida ham ta'kidlab o'tgandim. Nukusda biz ancha qiynaldik. "Aral"da ham yaxshi shaklangan jamoa bor va ular ham joriy mavsum Superliga yo'llanmasi uchun kurashmoqda. Shuningdek, Nukusdagi maydonda ham harakat qilish juda qiyin bo'ldi. Shuningdek, qolgan ikkita uchrashuvda ham ancha yaxshi raqiblar bilan to'qnash keldik.
Teglar: andrey, shipilov, vazifani, bajardik,
← OldingaOrqaga →
Bosh sahifaga
263
21 May 2026, 08:51