Asror Aliqulov: "Havoqand" xarakterli jamoa ekan"
/ Kiritdi: BestMaster O'qilgan: 844
O'zbekiston Kubogi guruh bosqichidan o'rin olgan "Havoqand" - "Sho'rtan" (1:4) uchrashuvidan keyin matbuot anjumani tashkil etildi.
Bunda "Sho'rtan" bosh murabbiyi Asror Aliqulov ishtirok etdi.- O'yin haqida fikringiz?- Kubokning birinchi turida mag'lubyatga uchragandik. Shu bois bugungi bahs ahamiyati biz uchun yuqori bo'ldi. "Havoqand" - yosh jamoa, ham Birinchi ligada o'ynaydi. Shu bois yigitlarga raqibni mensimaslik bo'lmasin deb alohida uqtirdik. Raqib yaxshi taassurot qoldirdi, ular ham astoydil harakat qilishdi. O'yin boshida bir nechta vaziyatlarga ega bo'ldik, lekin gol kirita olmadik. Keyin gollar urishni boshlab, yirik hisobda g'alabaga erishdik. - Aytib o'tganingizdek, "Havoqand" Birinchi ligada ishtirok etyapti. Sizningcha, Birinchi liga va Proliga jamoasi o'rtasidagi farq qanday?- Endi baribir farq seziladi. Meni xursand qilgan jihati, futbolchilarda qo'rquv yo'q va bosim uyushtiradi. "Havoqand" xarakterli jamoa ekan, futbol o'ynashga bo'lgan xohish yuqoriligi ham ko'rinib turdi. - Keyingi turda "Sho'rtan" "Nasaf" bilan o'ynaydi. Jamoangiz "Nasaf"ga jiddiy qarshilik ko'rsata oladimi?- Birinchi navbatda G'uzorga qaytib futbolchilarni tiklash ustida ish olib boramiz. Chunki besh kundan keyin navbatdagi bahsni o'tkazamiz. Bu biz uchun muhim o'yin bo'ladi, o'zimizni ko'rsatishga harakat qilamiz. Guruhdan chiqishni maqsad qilganmiz va buning uchun bor imkoniyatni ishga solamiz.
Teglar: asror, aliqulov, havoqand, xarakterli, jamoa, ekan,
← OldingaOrqaga →
Bosh sahifaga
406