Eron terma jamoasining bazasi AQSHdan boshqa mamlakatga ko'chirildi
/ Kiritdi: BestMaster O'qilgan: 10034
Eron futbol federatsiyasi rahbari Mehdi Tojning ma'lum qilishicha, milliy terma jamoaning o'quv-mashg'ulot yig'ini AQSHdan Meksikaga ko'chirilgan.
Bu xabar shunisi bilan ahamiyatliki, federatsiya Eronning o'yinlarini ham AQSHdan Meksikaga o'tkazishni rejalashtirgan edi, biroq bu taklif maqullanmadi. Shunday bo'lsa-da, baza manzilining o'zgarishi viza bilan bog'liq muammolarni qisman hal qilishi mumkin, chunki Eron delegaciyasining AQSHda bo'lish muddati sezilarli darajada qisqaradi.
Toj shunday dedi: "Biz AQSH bilan chegarada joylashgan Meksikaning Tixuana shahridagi bazada o'z yig'inimizni o'tkazamiz. Bu yerda barcha mashg'ulot maydonlari, trenajyor zali, maxsus restoran va boshqa qulayliklar mavjud bo'lib, u juda chiroyli va zamonaviy majmua hisoblanadi. Los-Anjelesdagi ikkita o'yinimizgacha bo'lgan masofa 55 daqiqalik yo'l bo'lib, Arizona shtatining Tuson shahridagi avvalgi bazamizga qaraganda ancha yaqinroq. Agar avtobusda borsak, 3 soat-u 20 daqiqa vaqt ketadi. Sietlda bo'lib o'tadigan ikkinchi o'yinimiz uchun esa masofa Arizonaning Tuson shahridan borish bilan aynan bir xil – 3 soatni tashkil qiladi.
Ushbu o'zgarish tufayli viza va shunga o'xshash masalalar ortiq muammo tug'dirmaydi va katta ehtimol bilan hal etiladi. Chunki Eron terma jamoasi to'g'ridan-to'g'ri Meksikaga boradi va biz hatto "Iran Air" aviakompaniyasi reysi orqali Meksikaga uchib, o'sha yerdan qaytishimiz ham mumkin".
Teglar: terma, jamoasining, bazasi, aqshdan, boshqa, mamlakatga, kochirildi,
← OldingaOrqaga →
Bosh sahifaga
311
24 May 2026, 11:01