Aybek Nurbaev: "Tajribasizlik pand berdi"

2026-05-31 00:03:01 / Kiritdi: BestMaster  O'qilgan: 17454

Proliga 8-turdan o'rin olgan "Jayxun" – "Sho'rtan" uchrashuvi 1:2 hisobida yakun topdi.

O'yindan keyin "Jayxun" bosh murabbiyi Aybek Nurbaev matbuot anjumanida ishtirok etdi.- O'yin haqida fikringiz?- Birinchi navbatda "Sho'rtan" jamoasini bugungi yutuq bilan tabriklayman va keyingi bahslarda omad tilayman. O'yinga keladigan bo'lsak, uchrashuv jamoamiz ustunligida kechdi. Har ikkala taymda ustun ekanimizni namoyish etdik, yigitlarga etirozim yo'q. Futbolchilarimizga ozgina tajriba va koncentraciya yetishmadi. Shunday o'yinlarda tajribasizlik pand berib qo'yadi. Maydon yoki ob-havoni bahona qilish kerak emas. O'z oldiga yuksak vazifalarni qo'yadigan jamoa bu gaplarni aytmaydi. Biz ham shu maydonda mashg'ulot o'tkazamiz va uy uchrashuvlarini o'ynaymiz. Borimizni berishga harakat qildik, ozgina omad kelmadi.- "Jayxun" O'zbekiston Kubogi guruh o'yinlarida ishtirok etib, keyingi bosqichga chiqdi. Shu haqda fikringiz?- Menga Kubokning formati yoqdi. Uchta yaxshi o'yin o'tkazdik. Kubok orqali Superliga jamoalari bilan o'ynadik. Bu ham yaxshi, bizga tajriba bo'ldi. Taqvimga nazar tashlasak, dam olishga deyarli fursat bo'lmayapti. Ketma-ket o'yinlar o'tkazdik. Proligada ham, Kubokda ham oson jamoani ko'rmadim. "Metallurg", "Sho'rtan", "Qizilqum" - bular yaxshi jamoa.- Kubokning 1/8 finalida kim bilan o'ynashni xohlaysiz?- Guruhdan ikkinchi o'rin bilan chiqdik. Bu degani keyingi bosqichni safarda o'tkazamiz. To'g'risi, bizga unchalik farqi yo'q. O'zimga qolsa "Neftchi" bilan o'ynashni xohlardim. Chunki "Neftchi" hozir juda kuchli jamoa va bu jamoaga qarshi maydonga tushish qiziq bo'ladi. Islom Ismoilov rahbarligidagi murabbiylar shtabi ham yaxshi ish olib boryapti.

Teglar: aybek, nurbaev, tajribasizlik, pand, berdi,
← OldingaOrqaga →