Yuriy Utkulbaev: "O'zbek futboli turlicha ekan"
/ Kiritdi: BestMaster O'qilgan: 3690
Proliga 8-tur doirasidagi "Metallurg" - "Kattaqo'rg'on" (1:1) o'yinidan so'ng mehmonlar bosh murabbiyi Yuriy Utkulbaev matbuot anjumanida ishtirok etdi.
– O'yin haqidagi taassurotlaringiz qanday?
– Jangovar o'yin, kurashlarga boy bellashuv guvohi bo'ldik. O'ylashimcha, g'alaba qozonish imkoniyatlari teng edi. Munosib va haqiqiy jangovar durang bo'ldi. Ikkala jamoa ham turli uslublarda bo'lsa-da, g'alabaga intildi. Shu bois, har ikki jamoani bir ochko qo'lga kiritgani bilan tabriklash mumkin.
– Durang natijadan qoniqdingizmi yoki maydonga faqat g'alaba uchun tushganmidingiz?
– Qoniqdim, eng avvalo, yigitlarning o'yin jarayoniga bo'lgan munosabatidan mamnunman. Biz har bir uchrashuvda avvalgisidan yaxshiroq harakat qilishga intilyapmiz va umid qilamanki, bu borada yanada o'sishga erishamiz. Bir ochko – bu jamg'armamizga qo'shilgan hissa, shu sababli men asosiy e'tiborni futbolchilarning o'yin sifatiga qarataman.
– O'zbekistonga kelganingizdan so'ng, dastlab "Paxtakor", so'ng "Metallurg"ga qarshi maydonga tushdingiz. O'zbek futboli haqidagi dastlabki taassurotlaringiz qanday?
– O'zbek futboli turlicha ekan. Agar "Paxtakor" ko'proq erlatib o'ynagan bo'lsa, bu yerda kurashlar va qanotdan uzatmalar ko'proq kuzatildi. Shuning uchun biz hozircha vaziyat bilan tanishmoqdamiz. Bu juda qiziqarli, jamoalar bir-biridan keskin farq qiladi. Biz har qanday raqibga moslashishga harakat qilamiz va, eng asosiysi, raqib kim bo'lishidan qati nazar, o'zimizga kerakli bo'lgan futbolni namoyish etishga intilamiz.
Teglar: yuriy, utkulbaev, ozbek, futboli, turlicha, ekan,
← OldingaOrqaga →
Bosh sahifaga
410
1 Iyun 2026, 05:32