Pelening o'yin futbolkasi aukcionda 6 million dollarga sotuvga qo'yiladi

2026-06-03 09:42:01 / Kiritdi: BestMaster  O'qilgan: 3334

Braziliya terma jamoasining afsonaviy futbolchisi Pele 1958 yilgi jahon chempionati finalida kiygan o'yin futbolkasi kimoshdi savdosida 6 million dollarga sotuvga chiqariladi.

Bu haqda The Athletic xabar bermoqda.

O'shanda o'tkazilgan turnir finalida braziliyaliklar Shvetsiya terma jamoasini 5:2 hisobida mag'lub etib, o'z tarixlarida ilk bor jahon birinchiligida g'olib chiqishgan edi. Pele o'shanda 17 yoshda edi.

Savdolarning boshlanishi 29 iyunga belgilangan bo'lib, ular 16 iyulgacha davom etadi. Hozirgi vaqtda eng qimmat futbol maykasi jahon futbolining argentinalik afsonasi Diego Maradonaga tegishli bo'lib turibdi. 2022 yilda u aukcionda 9,28 million dollarga sotilgan edi. Unda argentinalik futbolchi o'z jamoasi uchun g'alabali bo'lgan 1986 yilgi jahon chempionatida ishtirok etgan.

Teglar: pelening, oyin, futbolkasi, aukcionda, million, dollarga, sotuvga, qoyiladi,
← OldingaOrqaga →