Xabi Alonso "Chelsi"ga "Yuventus" himoyachisini sotib olishni taklif qildi

2026-06-03 10:30:01 / Kiritdi: BestMaster  O'qilgan: 8266

Londonning "Chelsi" klubi "Yuventus"ning chap qanot himoyachisi Andrea Kambyazoni sotib olish imkoniyatini ko'rib chiqmoqda.

Ingliz klubi o'z mudofaasini kuchaytirishga intilmoqda va Kambyazoni potencial transfer maqsadi sifatida belgilab olgan, deya xabar beradi La Gazzetta dello Sport.

Manbaga ko'ra, himoyachiga bo'lgan qiziqish bejiz bo'lmagan: London klubining yangi murabbiyi Xabi Alonso o'tgan yozda uni "Real"ga olib kelmoqchi edi, endilikda esa "Chelsi" bo'lajak transfer oynasi oldidan futbolchini o'z safiga qo'shib olishga urinib ko'rmoqchi.

Kambyazo 2022 yilning iyulidan buyon "Yuventus"da o'ynab kelmoqda va uning klub bilan kelishuvi 2029 yilning iyunigacha amal qiladi. Joriy mavsumda himoyachi 45 ta o'yinda maydonga tushib, 3 ta gol urdi va 5 ta golli uzatmani rasmiylashtirdi. Transfermarkt uning transfer qiymatini 30 million evroga baholamoqda.

Xabi Alonso 2025 yil 1 iyundan 2026 yil 12 yanvargacha Madridning "Real" klubi bosh murabbiyi lavozimida ishlagan edi. Alonso rasman 2026 yil 1 iyuldan boshlab "Chelsi" murabbiyiga aylanadi. Ispaniyalik mutaxassis bilan shartnoma to'rt yilga - 2030 yil iyunigacha mo'ljallangan.

Teglar: alonso, chelsiga, yuventus, himoyachisini, sotib, olishni, taklif, qildi,
← OldingaOrqaga →