O'rtoqlik uchrashuvida sensaciya: Ispaniya Iroqni mag'lub eta olmadi

2026-06-05 02:21:01 / Kiritdi: BestMaster  O'qilgan: 10174

Ispaniya va Iroq terma jamoalari o'rtasidagi o'rtoqlik uchrashuvi yakunlandi.

O'yin La-Korunyadagi “Abanka-Riasor” stadionida bo'lib o'tdi. Florian Badshtubner bosh hakamlik qilgan bahs 1:1 hisobidagi durang bilan yakun topdi.

Uchrashuvning 16-daqiqasida mezbonlar hujumchisi Ferran Torres hisobni ochgan bo'lsa, 27-daqiqada mehmonlar himoyachisi Merxas Doski muvozanatni tikladi.

Ispaniya va Iroq terma jamoalari oxirgi marta 2009 yilgi Konfederatsiyalar kubogi doirasida to'qnash kelishgan edi. O'sha o'yinda Ispaniya termasi 1:0 hisobida g'alaba qozongan.

Jahon chempionati oldidan Iroq terma jamoasi Venesuela bilan (10-iyun kuni), ispanlar esa Peru bilan (9-iyun kuni) o'rtoqlik uchrashuvi o'tkazadi.

Hozirda Ispaniya terma jamoasi FIFA reytingida 2-o'rinni egallab turibdi. Iroq milliy terma jamoasi esa ushbu ro'yxatda 57-pog'onadan joy olgan.

Teglar: ortoqlik, uchrashuvida, sensaciya, ispaniya, iroqni, maglub, olmadi,
← OldingaOrqaga →