Navbatdagi sensaciya: Fransiya Kot-d'Ivuarga mag'lub bo'ldi
/ Kiritdi: BestMaster O'qilgan: 870
Fransiya va Kot-d'Ivuar terma jamoalari o'rtasidagi o'rtoqlik uchrashuvi yakunlandi.
O'yin Nant (Fransiya) shahridagi “Lya Bojuar - Lui Fonteno” stadionida bo'lib o'tdi. Uchrashuvni avstriyalik bosh hakam Sebastian Gisxamer boshqarib bordi. Unda afrikalik futbolchilar 2:1 hisobidagi g'alabani tantana qilishdi.
Uchrashuvning 45-daqiqasida yarim himoyachi Rayan Sherki jarima maydonchasi ichidan yo'llagan zarbasi bilan hisobni ochdi. 53-daqiqada esa afrikaliklar himoyachisi - Fransiya terma jamoasi hujumchisi Dezire Duening tug'ishgan akasi Gela Due muvozanatni tikladi. O'yinning 84-daqiqasiga kelib, vinger Amad Diallo ivuarliklarni hisobda oldinga olib chiqdi.
JCH-2026 turnirida Fransiya terma jamoasi "I" guruhidan joy olgan bo'lib, u yerda Senegal, Iroq va Norvegiya jamoalariga qarshi bahs olib boradi. Kot-dIvuar esa turnirni "E" kvartetida boshlaydi va Ekvador, Germaniya hamda Kyurasao terma jamoalari bilan kuch sinashadi.
Teglar: navbatdagi, sensaciya, fransiya, kot-divuarga, maglub, boldi,
← OldingaOrqaga →
1555320467739803 
Bosh sahifaga
501
5 Iyun 2026, 08:04