Visente del Boske "Real" prezidentligiga nomzod Rikelme jamoasiga qo'shildi

2026-06-05 15:36:01 / Kiritdi: BestMaster  O'qilgan: 3068

"Real" prezidentligiga nomzod Enrike Rikelme Ispaniya terma jamoasi sobiq bosh murabbiyi Visente del Boske o'z jamoasiga qo'shilganini e'lon qildi.

"Visente del Boske jamoamizning rahbarlik lavozimiga qo'shilmoqda", – dedi Rikelme.

Shuningdek, u bosh murabbiylikka nomzodlarning hech biri bilan gaplashmaganini ta'kidladi.

"Men Yurgen Klopp yoki biron bir murabbiy bilan gaplashmaganman. Bu bilan men emas, sport rahbariyati shug'ullanadi", – dedi Rikelme.

"Qaymoqranglilar" prezidentlik saylovi yakshanba, 7 iyun kuni bo'lib o'tadi.

Madridliklar 2025/26 yilgi mavsum 86 ochko to'pladi va Ispaniya chempionatida 2-o'rinni egalladi. "Barselona" turnirda 94 ochko bilan g'olib chiqdi.

Teglar: visente, boske, real, prezidentligiga, nomzod, rikelme, jamoasiga, qoshildi,
← OldingaOrqaga →