"Manchester Yunayted" yarim himoyachisi yozda klubni tark etadi

2026-06-07 22:48:01 / Kiritdi: BestMaster  O'qilgan: 3588

Yarim himoyachi Manuel Ugarte "Manchester Yunayted"ni tark etish arafasida.

Urugvaylik futbolchi shu yozda "qizil iblislar"ni tark etish niyatida, Manchester klubi esa futbolchini sotmoqchi. Avvalroq yarim himoyachiga Turkiya va Italiya jamoalari qiziqish bildirgan edi. Barcha manfaatdor tomonlar Ugarte ketishga qaror qilganini tushunishadi.

Manuel Ugarte 2024 yilda PSJdan 50 million evro evaziga "Manchester Yunayted"ga o'tgandi. Uning shartnomasi 2029 yil 30 iyungacha mo'ljallangan.

Urugvaylik futbolchi 2025/26 yilgi mavsumda "qizil iblislar" safida barcha turnirlarda 24 ta o'yin o'tkazdi. Transfermarkt portali Ugartening narxini 25 million evroga baholamoqda.

Teglar: manchester, yunayted, yarim, himoyachisi, yozda, klubni, tark, etadi,
← OldingaOrqaga →