Dyumfris: "Eng muhimi, Yaponiyaga qarshi o'yinga tayyor bo'lish"
/ Kiritdi: BestMaster O'qilgan: 1418
Denzel Dyumfris hozircha Niderlandiya terma jamoasining sport formasidan xavotirda emas.
Bu haqda o'ng qanot himoyachisi O'zbekiston ustidan qozonilgan o'rtoqlik uchrashuvidagi g'alabadan (2:1) so'ng aytib o'tdi. Oxirida Dyumfris o'zining “Real”ga bo'lajak transferi haqida ham to'xtalib o'tdi.
"Agar hisobga va o'yinning borishiga e'tibor qaratsangiz, hali o'z ustimizda ishlashimiz kerakligi ayon bo'ladi. Biz ko'rsatgan yaxshi jihatlar ham bor, lekin yaxshilanishi kerak bo'lgan jihatlar ham etarlicha.
Ulardan biri – yaratilgan vaziyatlardan tezroq foydalanish. Biz etarlicha imkoniyatlar yaratyapmiz, lekin biroz pala-partish harakat qilyapmiz, shu sababli hisobdagi farqni oshira olmayapmiz. Buni xavotirli deb aytmagan bo'lardim. Eng muhimi, Yaponiyaga qarshi o'yinga tayyor bo'lish. Tushunaman, agar hisobga qaraydigan bo'lsak, bu etarli emas. Men bu fikrga qo'shilaman. Oldinga siljish uchun har doim imkoniyat bor.
Hozir bor e'tiborimni Niderlandiya terma jamoasi va Jahon chempionatiga qaratganman. Transfer haqida hozir hech narsa deya olmayman.
Eng katta sahna – Jahon chempionati. Barcha e'tiborimiz shunga qaratilgan. Lekin, albatta, men baxtiyorman, biroq biz bu yerda muhim missiya bilan yuribmiz”, – dedi himoyachi.
Teglar: dyumfris, muhimi, yaponiyaga, qarshi, oyinga, tayyor, bolish,
← OldingaOrqaga →
Bosh sahifaga
231