JCH-2026. Koreya Respublikasi – Chexiya 0:1 (matnli translyatsiya)

2026-06-12 08:21:01 / Kiritdi: BestMaster  O'qilgan: 4442

Jahon chempionati A guruhining birinchi turidan o'rin olgan Koreya Respublikasi – Chexiya uchrashuvi start oldi.

Koreya Respublikasi – Chexiya 0:1

Gol: Ladislav Kreychi 5907:00, 12 iyun, Gvadalaxara

Koreya Respublikasi: Kim Syon Kyu, Li Xan Bom, Kim Min Je, Li Te Sok, Sol Yun Vu, Li Ki Xyuk, Xvan In Byom, Pek Syn Xo, Li Je Sun, Li Kan In, Son Xyon Min.

Chexiya: Matey Kovarj, Yaroslav Zeleny, Ladislav Kreychi, Shtepan Xaloupek, Vladimir Coufal, Robin Granach, Aleksandr Soyka, Tomash Souchek, Lukash Provod, Pavel Shulc, Patrik Shik.

60. Janubiy Koreya o'z imkoniyatlaridan foydalanmagani uchun jazolanmoqda.

59. GOOOOOOL! Chexiya hisobni ochmoqda. Soufalning autdan jarima maydoniga otgan to'pini Ladislav Kreychi darvozaga mixlab qo'ydi!

56. Son! Qanaqasiga? Janubiy Koreyada ajoyib hujum. Son Xyom Min darvozabon qarshisida bir o'zi edi, ammo uning bergan zarbasi to'g'ri darvozabonning ko'kraklariga tegib maydonni tark etdi. Juda juda zo'r imkoniyat edi.

50. Janubiy Koreyadan ajoyib hujum. Xvan In Byomning uzoqdan yo'llagan zarbasini darvozabon qaytardi. Qaytgan to'pni Li Je Sun yana darvozaga kiritishga urindi, ammo Matey Kovarj bunisiga ham "yo'q" dedi.

46. Ikkinchi bo'lim boshlandi.

45+3. Birinchi bo'lim golsiz yakunlandi.

45+2. Janubiy Koreyadan ajoyib hujum. Son ikki futbolchini chalg'itdi va zarba poziciyasiga chiqdi, ammo u kutilmaganda qanotdagi jamoadoshiga pas berdi, to'p unga qaytarilganidan keyin berilgan zarba umuman o'xshamadi.

45. Hakam ilk bo'limga uch daqiqa vaqt qo'shib berdi.

42. Taym oxirida Chexiya jonlandi. Koreya Respublikasi jarima maydoni ichida himoyalanmoqda.

39. Son Xyon Min maydon markazidan yurish qildi va ikki himoyachidan o'tib, zarba yo'lladi. Yana noaniq. Son ikkinchi imkoniyatdan foydalana olmayapti

38. Zarbaa! Son Xyon Minning zarbasi darvoza to'sini ustidan o'tib ketdi. Koreyaliklar anchadan beri hujum qilishmayotgan edi

33. O'yin biroz tenglashdi. Chexiya ham jonlanib qoldi.

26. Chexiya termasi a'zosi Pavel Shulc oddiy holatda o'z libosini yirtib oldi. Puma brendi uchun antireklama, bazi libos ishlab chiqaruvchi brendlar buni ko'rib, “xursand” bo'lishgan bo'lsa ne ajab.

19. To'pni nazorat qilish bo'yicha koreyslar yaqqol ustun – 64% ga 26%

15. Chexiya tomonidan uyushtirilgan qarshi hujum sal qolsa gol bilan tugar edi. Patrik Shik uzatmadan keyin yaqindan zarba berdi, lekin himoyachi to'pni to'sib qoldi. To'p maydon tashqarisiga chiqdi va burchak zarbasi berildi. Chexiya yana hujum qilish imkoniyatiga ega bo'ladi.

14. ZARBAA! Li Kan In uzoq masofadan ajoyib zarba yo'lladi, ammo to'pni darvozabon Kovar qaytarib qoldi. Burchak to'pi.

12. Janubiy Koreyadan ajoyib hujum. Li Kan In to'pni havolatib, jarima maydonchasi ichiga uzatdi. To'p hujumchidan Son Xyon Minga uzatildi, Sonning zarbasini esa himoyachi to'sib qoldi. Koreyslar golga yaqinlashmoqda.

10. Hozircha to'liq ustunlik Janubiy Koreyada. Chexiya himoyalanmoqda.

6. Koreyslar qanotga uzatilgan dioganaldan so'ng yaxshi hujum tashkil qilishdi, ammo yakuniy uzatmaga biroz aniqlik yetishmadi.

4. Ikki jamoa ham uchrashuvning dastlabki daqiqalarini Jahon chempionati “havo”sini o'rganishga sarflashmoqda.

1. Uchrashuv start oldi!

Gvadalaxara stadioni:

Jamoalar tarkibi quyidagi ko'rinishda:

Teglar: jch-2026, koreya, respublikasi, chexiya, matnli, translyatsiya,
← OldingaOrqaga →