Kongo DR terma jamoasi karantindan so'ng AQSHga yetib bordi

2026-06-12 21:12:01 / Kiritdi: BestMaster O'qilgan: 2980

Ebola virusi tarqalishi sabab yuzaga kelgan bir necha haftalik noaniqlikdan keyin Kongo DR milliy jamoasiga AQSH hududiga kirishga ruxsat berildi.

1974 yildan beri ilk bor jahon chempionati yo'llanmasini qo'lga kiritgan Kongo DR terma jamoasi mamlakatda Ebola virusi tarqalganidan so'ng rejalashtirilgan yig'inlarni bekor qildi va tayyorgarlikni Belgiyada olib bordi.

AQSH hukumati jamoa a'zolaridan mamlakatga kirishdan oldin 21 kunlik karantin talab qilgani sababli futbolchilar Parij orqali Amerikaga yetib kelishdi.

Kongo DR futbolchilari musobaqa davomida Xyuston shahrida istiqomat qiladi. Terma 17 iyun kuni o'zining ilk uchrashuvini Portugaliyaga qarshi o'tkazadi.

Shundan so'ng jamoa Meksikaning Gvadalaxara shahriga yo'l oladi va 23 iyun kuni Kolumbiyaga qarshi maydonga tushadi. Guruh bosqichidagi so'nggi uchrashuvini esa 28 iyun kuni Atlanta shahrida O'zbekiston terma jamoasiga qarshi o'tkazadi.

Teglar: kongo, terma, jamoasi, karantindan, song, aqshga, yetib, bordi,
← Oldinga Orqaga →