JCH-2026 Portugaliya uchun qanday o'tadi? Ronaldu javob berdi

2026-06-12 21:54:01 / Kiritdi: BestMaster  O'qilgan: 3550

Portugaliya termasi hujumchisi Krishtianu Ronaldu milliy jamoasining JCH-2026dagi ishtirokida nimalar kutayotgani haqida gapirdi.

- Biz juda xursandmiz va jahon chempionati har doim eng muhim musobaqa ekanini yaxshi bilamiz. Xuddi Yevropa chempionati kabi, bu turnirga ham katta umidlar bilan kirib kelmoqdamiz.

- Jismoniy holatingiz haqida?- Men yaxshi holatdaman. Axir o'yinlarni ko'rmadingizmi?

- Portugaliya chempionlik uchun da'vogarmi?- Buni faqat turnir yakunida bilib olamiz. Bizda juda yaxshi avlod shakllangan, ammo bazi narsalar borki, ularni nazorat qilib bo'lmaydi. G'alaba yoki mag'lubiyat ham shular jumlasidan. Eng muhimi – natija. Men bu avlod portugaliyalik muxlislarga hali ko'p quvonch ulashishiga ishonaman.

- Jamoaning tayyorgarligi haqida- Tayyorgarlik og'ir kechdi, biz juda ko'p mehnat qildik. Nazorat uchrashuvlarida g'alabalarga erishdik, ammo eng muhimi – 17 iyun kuni bo'lib o'tadigan birinchi o'yin. Keyin esa musobaqa yanada qiyinlashganda haqiqiy chempionlar kimligi ma'lum bo'ladi.

Hammasi ko'plab omillarga bog'liq. Men jamoamizga ishonaman. Avvalo guruhda birinchi o'rinni egallash muhim. Keyin esa o'yindan o'yinga, qadamba-qadam harakat qilib, ishonchni oshirib borish va o'z ritmimizni topishimiz kerak, – dedi Ronaldu.

Portugaliya terma jamoasi JCH–2026 guruh bosqichida Kongo DR (17 iyun), O'zbekiston (23 iyun) va Kolumbiya (28 iyun) terma jamoalariga qarshi bahs olib boradi.

41 yoshli Ronaldu uchun bu faoliyatidagi oltinchi jahon chempionati bo'lishi kutilmoqda.

Teglar: jch-2026, portugaliya, uchun, qanday, otadi?, ronaldu, javob, berdi,
← OldingaOrqaga →