Avazbek O'lmasaliev: "Hech kimdan qo'rqmaymiz, bosamiz"

2026-06-15 13:36:01 / Kiritdi: BestMaster  O'qilgan: 4370

O'zbekiston terma jamoasi Atalantada Kolumbiya bilan bahsga taraddudning so'nggi bosqichini olib boryapti.

Milliy jamoa himoyachisi Avazbek O'lmasaliev oldindagi bahs oldidan fikrlari bilan o'rtoqlashdi.

"Tayyorgarlik ajoyib. Hamma tayyor. Birinchi o'yinni barcha intiqlik bilan kutyapti. Duo qilib tursangiz hammasi yaxshi bo'ladi",- deydi Avazbek O'lmasaliev.

- Yakuniy tarkibga kirishingizga fikringiz. Avazbek O'lmasaliev tortmaydi deganlarga nima degan bo'lardingiz?

- O'yin bilan ko'rsatamiz. To'g'risi, hech kim kutmagandi. Lekin ichimdan xohish kuchli edi. Buyog'iga bosamiz. Fabio bilan gaplashmaganman. Oxirigacha kurashdim va tarkibdan joy oldim.

- Ronalduni qo'riqlash, Kolumbiyaning yulduz futbolchilariga qarshi kutilmalaringiz qanday?

- Ular ham bizga o'xshagan odam. Qo'rqish yo'q, istalgan raqib bilan o'ynashga tayyormiz. Gol ursam qanday nishonlashni o'ylab qo'yganman, qo'ng'iroq qiladigan odamlarim bor.

Teglar: avazbek, olmasaliev, hech, kimdan, qorqmaymiz, bosamiz,
← OldingaOrqaga →