"Real" Negreyra ishi bo'yicha UEFAga xat yo'lladi
/ Kiritdi: BestMaster O'qilgan: 2672
"Real" Negreyra ishi bo'yicha UEFAning intizomiy organlariga xat yuborganini e'lon qildi.
Eslatib o'tamiz, 2023 yilda "Barselona" va uning rahbariyati Ispaniya qirollik futbol federatsiyasi (RFEF) qoshidagi Hakamlar texnik qo'mitasi (CTA) sobiq vice-prezidenti Xose Mariya Enrikes Negreyraga to'lovlar amalga oshirilgani yuzasidan pora olishda ayblangan edi. Sud 2001 yildan 2018 yilgacha bo'lgan davrda "Barselona" tomonidan Negreyraga bir necha million evro to'lanishini jinoyat deb topdi.
"Xatda klub UEFAni "Barselona" tomonidan Hakamlar texnik qo'mitasining sobiq vice-prezidenti Xose Mariya Enrikes Negreyraga turli korporativ tuzilmalar orqali hech qanday tekshirib bo'lmaydigan asosga ega bo'lmagan, uzoq muddatli noshaffof to'lovlar amalga oshirilgani haqidagi allaqachon ma'lum bo'lgan faktlarni tasdiqlovchi salmoqli dalillar mavjudligi haqida xabardor qildi.
"Real" takidlashicha, sport intizomiy qonunchiligi nuqtayi nazaridan, bu faktlar musobaqa yaxlitligi uchun tizimli va o'ta jiddiy xavf tug'diradi, chunki ular hakamlar korpusiga noqonuniy ta’sir o'tkazish tizimi mavjudligidan dalolat beradi. Bu esa tenglik, neytrallik, xolislik va sport natijalarining oldindan aytib bo'lmasligi kabi asosiy tamoyillarga mos kelmaydi.
Shu munosabat bilan "Real" UEFA tomonidan ilgari boshlangan intizomiy ish yuritishni zudlik bilan qayta boshlashga chaqirdi va bu kabi vaziyatning uzoq vaqt davomida saqlanib qolishini qabul qilib bo'lmaydi deb hisoblaydi, chunki uning davom etishi futbol, uning institutlari va yetakchilariga bo'lgan ishonchni jiddiy susaytirmoqda. Shu bois, klub davom etayotgan sud jarayonidan qati nazar, sport sohasida qatiy, ibratli va zudlik bilan chora ko'rilishini talab qiladi.
Shu sababli bizning klub UEFAdan o'z mustaqil vakolatlari doirasida musobaqalarning halolligi, shaffofligi va lozim darajada o'tkazilishini taminlash uchun tegishli intizomiy va tiklash choralarini ko'rishni so'raydi. Bu hech qanday holatda davlat sud organlarining rolini almashtirmasligi yoki faktlarning jinoiy malakasini belgilashga to'sqinlik qilmasligi kerak. Shu munosabat bilan "Real", davom etayotgan jinoiy ish yuritishda xususiy ayblanuvchi sifatida ishtirok etib, boshidan buyon bo'lgani kabi har bir processual bosqichda zarur yuridik harakatlarni amalga oshirishda davom etadi.
"Real" sportning asosiy qadriyatlarini himoya qilishga sodiqligini tasdiqlaydi va bu kabi hodisalar jazosiz qolmasligini taminlash uchun barcha zarur choralarni ko'rishda davom etadi", – deyiladi "Real" bayonotida.
Teglar: negreyra, ishi, boyicha, uefaga, yolladi,
← OldingaOrqaga →
Bosh sahifaga
297
17 Iyun 2026, 20:11