JCH-2026. O'zbekiston debyut uchrashuvda Kolumbiya to'sig'idan o'ta oladimi? Boyan Miladinovich tahlili
/ Kiritdi: BestMaster O'qilgan: 2910
Butun mamlakat intizorlik bilan kutgan tarixiy lahzalarga soatlar qoldi: O'zbekiston milliy terma jamoasi Jahon chempionatidagi o'zining debyut uchrashuvi arafasida turibdi.
Millionlar o'yini atrofidagi hayajon va ehtiroslar ayni cho'qqisiga chiqqan mahalda, mutaxassislarning tahlillari har qachongidan ham muhim ahamiyat kasb etmoqda. O'zbek futboli muxlislariga yaxshi tanish bo'lgan, uzoq yillar "Paxtakor" sharafini munosib himoya qilgan serbiyalik sobiq legioner, ayni paytda esa saytimizning Jahon chempionati bo'yicha maxsus eksperti sifatida faoliyat yuritayotgan tajribali Boyan Miladinovich mundial starti va hamyurtlarimizning imkoniyatlari xususida o'z mulohazalarini o'rtoqlashdi.- Men O'zbekiston terma jamoasining ilk o'yinda ijobiy natija qayd etishiga ishonaman. To'g'ri, Kolumbiya terma jamoasida Jahon chempionatlarida qatnashish borasida katta tajriba mavjud. Biroq o'zbek futbolchilari ham o'z salohiyatlarini namoyish eta oladigan darajada kuchli. Bundan tashqari, bosh murabbiy Fabio Kannavaroda bu kabi nufuzli musobaqalarning katta ko'nikmasi bor. U jamoa o'yinini qanday tashkil qilishni juda yaxshi biladi.Mundialning umumiy manzarasi va favoritlarning imkoniyatlari haqida gapirar ekan, ekspert quyidagilarni ta'kidladi:- Chempionat endigina start oldi. Shu bois ayrim yetakchi jamoalar dastlabki natijalardan qatiy nazar, o'zlarini xotirjam tutmoqdalar. Ularda hali xatolarni to'g'irlab, sport formasiga kirib olish uchun etarlicha vaqt bor. Shuningdek, mahalliy ob-havo omilini ham unutmaslik lozim.Braziliya va Ispaniya - juda kuchli terma jamoalar.Braziliyaliklar 2002 yildan buyon bosh sovrinni qo'lga kirita olishmayapti. Shu sababli ular bu gal tajribali "eski bo'ri"ni bosh murabbiy etib tayinlashdi. Jamoa hali bor kuchini ko'rsatgani yo'q. Ispaniya ham hech narsa yo'qotmadi. Ularning raqibi Kabo-Verde musobaqa debyutanti bo'lishiga qaramay, juda yaxshi qarshilik ko'rsatdi. Shunga qaramay, Ispaniya kamida yarim finalgacha yetib borsa kerak. Eslab ko'ring, 2010 yilgi Jahon chempionatida ispanlar ilk turda Shveytsariyaga, Argentina esa 2022 yilda Saudiya Arabistoniga yutqazib, yakunda baribir chempion bo'lishgandi. Oxirgi yillarda Marokash terma jamoasining ham sezilarli darajada kuchayganini alohida etirof etish lozim.Miladinovich terma jamoa yetakchisi Jaloliddin Masharipovning tarkibdagi o'rni va uning sog'lig'i bilan bog'liq vaziyatga ham to'xtalib o'tdi:- Jaloliddin Masharipov - O'zbekistondagi eng iqtidorli va eng yaxshi futbolchilardan biri. U o'zini har tomonlama ko'rsata oldi va hali o'z so'zini aytadi. Bilishimcha, unda avvaldan jarohat bor edi, yaqinda esa umurtqa pog'onasidagi disk churrasi ham pand berdi. Shunga qaramay, Jaloliddinning maydonda, hatto zaxira o'rindig'ida bo'lishining o'zi ham qolgan futbolchilarga katta ruhiy ustunlik bag'ishlardi. Uni bemalol o'zbekistonlik Neymar deb atash mumkin.
Teglar: jch-2026, ozbekiston, debyut, uchrashuvda, kolumbiya, tosigidan, oladimi?, boyan, miladinovich, tahlili,
← OldingaOrqaga →
Bosh sahifaga
1271