Kot-d’Ivuar termasi futbolchisiga Kanadaga kirishga ruxsat berilmadi
/ Kiritdi: BestMaster O'qilgan: 2096
Kot-d’Ivuar terma jamoasi hujumchisi Ele Vaiga JCH–2026 o'yini uchun Kanadaga kirishga ruxsat berilmadi.
"Nicca" futbolchisi guruh bosqichining 2-turida Germaniyaga qarshi bo'lib o'tadigan o'yinda qatnasholmaydi. Uchrashuv 20 iyun kuni Torontoda o'tkaziladi.
Avvalroq Vai Fransiyada shubhali stavkalar bo'yicha tergov markazida ekani haqida xabarlar tarqalgan edi. Ivuarlik futbolchi Liga 1 bahsida ataylab sariq kartochka olgan bo'lishi mumkinligida gumon qilinmoqda. U 29 may kuni qo'lga olingan va so'roqdan keyin ozod qilingan.
"Kot-d’Ivuar futbol federatsiyasi 2026 yil 17 iyun, chorshanba kuni milliy jamoa futbolchisi Ele Vai haqida e'lon qilingan turli maqolalar va ma'lumotlar bilan tanishib chiqdi.
Hozirgi vaqtga kelib, policiya tomonidan unga nisbatan hech qanday sud yoki mamuriy ish qo'zg'atilmagan.
Bu murakkab davrda federatsiya futbolchini to'liq qo'llab-quvvatlaydi va unga bo'lgan ishonchini tasdiqlaydi. Ele Vai Kot-d’Ivuar terma jamoasining muhim futbolchisi bo'lib qolmoqda.
Shuningdek, federatsiya futbolchi delegaciya tarkibida Kanadaga bora olmasligini ma'lum qiladi. Uning Kanada hududiga kirishi uchun zarur bo'lgan mamuriy ruxsatnomalarni olish hozircha imkoni bo'lmagan.
Shu sababli Ele Vai jamoa qaytib kelguniga qadar AQSHda qoladi", - deyiladi federatsiya bayonotida.
Teglar: kot-d’ivuar, termasi, futbolchisiga, kanadaga, kirishga, ruxsat, berilmadi,
← OldingaOrqaga →
Bosh sahifaga
333