Janubiy Koreya terma jamoasi yopiq mashg'ulotiga kutilmagan mehmon uchib keldi

2026-06-18 20:54:01 / Kiritdi: BestMaster  O'qilgan: 2166

JCH–2026 doirasidagi Meksikaga qarshi o'yin oldidan Janubiy Koreya terma jamoasining mashg'uloti vaqtida havoda uchuvchisiz uchish qurilmasi, yani, dron paydo bo'lgan.

"Yonhap" axborot agentligi ma'lum qilishicha, voqea seshanba kuni Meksikada o'tkazilgan yopiq mashg'ulot paytida sodir bo'lgan. Qizish mashqlari vaqtida xavfsizlik xizmati xodimi mashg'ulot bazasi ustida dronni payqab qolgan va bu haqda Meksika harbiylariga xabar bergan. Shundan so'ng harbiylar dronni to'xtatib, urib tushirishgan.

Koreya futbol assotsiatsiyasi ma'lumotiga ko'ra, urib tushirilgan dronni ishga tushirgani taxmin qilinayotgan ikki nafar erkak uni olib ketgan va Meksika huquq-tartibot organlari ularni ushlashga ulgurmasidan voqea joyini tark etgan.

KFA mahalliy policiyaga murojaat qilgan va sodir bo'lgan holat haqida FIFAni ham xabardor etgan.

Teglar: janubiy, koreya, terma, jamoasi, yopiq, mashgulotiga, kutilmagan, mehmon, uchib, keldi,
← OldingaOrqaga →