Qozog'istonda bosh hakam 5 sutkaga qamaldi
/ Kiritdi: BestMaster O'qilgan: 6314
Qozog'istonda futbolda uchraydigan kamyob hodisa ro'y berdi.
Mamlakat chempionati 13-turi doirasidagi "Elimay" – "Ordabasi" uchrashuvi bosh hakami Arman Ismuratov qamoqqa olindi. Ikkala klub rahbariyati, futbolchilar va muxlislar hakamlikdan norozi bo'lib qolishgan, o'yindan keyin esa hakam bilan janjal yuz bergan. Keyinchalik hakam uyiga ketish uchun aeroportga borganda, qo'lga olingan.
Ijtimoiy tarmoqlarda tarqalgan videoda hakam Arman Ismuratovning "Elimay" vakillariga nisbatan haqoratli so'zlar ishlatgani aks etgan. Sud Ismuratovni "mayda bezorilik"da aybdor deb topdi.
Bu holat Qozog'iston futboli tarixidagi ilk voqea sifatida baholanmoqda, yani mojaro natijasida Premer-liga hakami haqiqiy qamoq jazosiga tortildi.
Shuningdek, Qozog'iston FF Tartib-intizom qo'mitasi “Elimay” - “Ordabasi” uchrashuvidagi hakamlik borasida jiddiy tekshiruv o'tkazishini ma'lum qilgan.
Teglar: qozogistonda, bosh, hakam, sutkaga, qamaldi,
← OldingaOrqaga →
Bosh sahifaga
528
19 Iyun 2026, 09:06